Ka ki lasid yaliwonik
Lasid yaliwonik sé on sistans ki la o natirèl adan po-la. I ka kyenbé dlo an chè é i rèsponsab a idratasyon.
Lasid yaliwonik dòktè-la ka itilizé dégradab a 100% é i ka pèwmèt bouré sé rid-la.
Pwodui-la Dòktè Rachelle Brédy-Maux ka itilizé-la sòti laboratwa Allergan.
Ki endikasyon?
Dòktè Rachelle Brédy-Maux ka itilizé lasid yaliwonik pou:
– trété rid fon, mwayen é sipèrfisyèl
– konblé ti flo ki pa gyè bèl
– ranjé volim é pwopòwsyon asi figyi-la (lèv ki vin fin, pòch anba zyé…)
Kitan rézilta ka vin?
Alè pou alè. Lasid yaliwonik ka kyenbé 6 a 8 mwa, dapré kalité a po é zòn trété.
Kontendikasyon
Trètman-lasa kontendiké:
– pou fanm ansent,
– pou fanm ki ka alété,
– pou moun ki alèwjik a lidokayin,
– pou moun ka pran entèwféwon.
Magré sa, pou plis sékirité, sa itil ay gadé sit entèrnèt a sé laboratwa-la pou avwa tout enfòwmasyon si endikasyon, kontendikasyon é pokosyon pou pran.