Glokòm kwonik sé on malad ka dégradé nè òptik é ki ka fè vizyon bésé mizi an mizi.
Onlo fwa, malad-lasa asosyé èvè on pwésyon fò adan zyé-la ki ka pijé é izé fib a nè òptik-la.
Vizyon pèd parapòt a glokòm pa ka wouvini.
Si malad-lasa pa trété, i pé rann moun avèg. Glokòm sé dézyèm kòz a avèg asi latè.
Fo dépisté glokòm gran bonè pou okipé dè-y kon i fo. Opi on trètman koumansé bonè, opi i ké ni chans maché.
Dyanòstik-la ka fèt pannan on konsiltasyon a zyé:
Pou édé dyanòstik-la é pou suiv glokòm-la, dòkté-a-zyé-la pé rivé fè dòt lègzanmen: Chan vizyèl, OCT.
Trètman-la fèt pou anmwenzi pwésyon andidan zyé-la. Ni pizyè opsyon:
– on trètman médikal, ki vé di mété gout an zyé, an jénéral
– on trètman èvè lazè, é/oben chiriji.
Glokòm sé on malad kwonik, é bout a dòktè-la sé èstabilizé pwésyon andidan zyé-la pou gadé vizyon-la.
An jénéral, trètman-la ka fèt plis ki on fwa. Lè yo koumansé, fo kontinyé pou tout lavi.
