Katarak sé sonmasaj a kristalen (ki kon on lanti an zyé, dèyè ziris-la).
Katarak ka fè vizyon bésé, déparfwa jistan moun-la vin avèg.
Katarak nòwmal apré 55 lanné.
An jénéral, kristalen-la transparan. Sonmasaj a-y ka opozé limyè travèsé kon i fo. Vizyon-la ka vin toub.
Lè on moun ni katarak, i ka ni dé sentòm èspésyal:
– On vizyon flou, èspésyalman olwen.
– Moun-la ka vwè kontras é koulè mwen byen.
– Moun-la ka vwè doub.
– Limyè ka jenné-y.
Katarak sé sonmasaj a kristalen-la ki ka fè vizyon a-moun bésé mizi an mizi. Yenki chiriji pé pèwmèt on anbonnisman a vizyon-la.
Pa tini ayen dòt ki chiriji pou pèwmèt woumèt vizyon-la kon i té yé avan katarak.
Chiriji a katarak vé di woté kristalen-la é ranplasé-y èvè on enplan a-zyé. Yo ka sèvi é on tèknik èvè iltrason. Non a-y sé fakoémilsifikasyon.
Katarak sé on malad yo ka vwè anlo aka lé sénior. I ka touché plis ki yonn asi senk moun ki pasé 65 lanné, é près dé asi twa moun ki pasé 85.
Trétman katarak sé chiriji. Yenki sa ki éfikas é définitif jòdijou.
