Tòksin botilinik/tòksin botilik
An jénéral yo ka kriyé pwodui-lasa Botòks. Yo ka itilizé-y dèpi lé lanné 80 pou trété diféran kalité malad kon strabis, bléfarospas, spastisité a manm apré on konjésyon sérébral, pyébo a timoun, sipli swé.
An 2003, BOTÒKS trapé otorizasyon vann (AMM) pou trété rid èsprésyon asi non VISTABEL (laboratwa Allergan). Yo ba-y otorizasyion-lasa apré étid klinik rèd.
Tòksin botilinik pou èstétik
Tòksin botilinik ka pèwmèt trété rid ka sòti parapòt a mis ki ka rédi twòp (rid èsprésyon) ; sa pé ba moun on lè rèd, enkyèt oben las: rid an mitan fon, rid-obò-zyé, rid asi fon.
Bénéfis
Léfikasité a piki tòksin botilinik ka aparèt é chouké mizi an mizi pannan on dizèn jou. Sé rid-la ka anmwenzi pannan 3 a 6 mwa (dapré moun-la).
Kontendikasyon
Tout pasyan èvè malad néwomiskilè kon myasténi, fanm ansent, fanm ki ka alété, moun alèwjik a lalbimin.
Magré sa, pou plis sékirité, sa itil ay gadé sit entèrnèt a sé laboratwa-la pou avwa tout enfòwmasyon si endikasyon, kontendikasyon é pokosyon pou pran.
Sé lanné pasé-la, tòksin botilinik ka rété yonn adan lé inovasyon médikal lé pi entérésan pou rajenni prèmyé tyè anho a figyi-la.
On lanné san swé parapòt a Botòks!
Tòksin botilinik ka pèwmèt trété enkwayabman pwoblèm a moun ka swé twòp. Enjèksyon a Botòks ka pèwmèt bloké komann a nè a glann a swé-la, é sa ka anmwenzi sipli a swé.
Rézilta
Prémyé rézilta sé on bèl anmwenzaj a swé anba bra pannan omwen 6 mwa.
Dézyèm-la, sé anmwenzaj a lòdè parapòt a anmwenzaj a swé.
Pou kimoun?
Tout moun an toutjan. Botòks ka pèwmèt trété moun ka soufè lipwoyidòz (sipli swé padavwa déranjman a glann) é moun ki ka swé nòwmal mè ki vé santi-yo pi alèz.